Author Guidelines

Журналдың бір нөмірінде автор 2 (екіден) артық емес мақала жариялай алады. Қолжазбаны жібермес бұрын автор(лар) мақаланың барлық критерийлерге сәйкес келетініне көз жеткізуі қажет. Жіберілген қолжазбалар түпнұсқа зерттеулер болуы тиіс, яғни бұрын жарияланбаған және басқа ғылыми журналдың редакциясында жариялану мақсатымен қарастырылмауы керек. Талаптарға сай рәсімделмеген мақалалар жариялауға қабылданбайды және авторларға қайтарылады. Авторлардың өз саласына жаңалық әкелетін әрі елеулі үлес қосатын қолжазбаларды ұсынғандары жөн. Әсіресе, компьютерлік ғылымдар және инфокоммуникация бағыттары бойынша немесе қолданбалы математика бойынша жаңа жетістіктерді, жеткілікті деңгейде зерттелмеген мәселелер мен олардың аз қарастырылған қырларын қамтитын жұмыстарға басымдық беріледі.

Мақала құрылымы

1. Қолжазбаның бастапқы бетінде (Қосымша 1) Ғылыми-техникалық ақпараттың мемлекетаралық рубрикаторының (ҒТАМР) коды, мақала атауы, автор(лар)дың аты-жөні, жұмыс орны, жауапты автордың электрондық поштасы, аңдатпа және кілт сөздер ағылшын тілінде берілуі қажет. Авторларға ҒТАМР кодын Қазақстан Республикасының Ұлттық мемлекеттік ғылыми-техникалық сараптама орталығы (ҰМҒТСО) ұсынған тізімнен алуға кеңес беріледі. Және де авторлардың ORCID ID нөмірлері мақала үлгісіне сай берілуі тиіс. 

2. Аңдатпа 150-250 сөзден тұруы қажет; 
3. Авторлар ең маңызды кілт сөздерді (5 сөзден көп) көрсетуі керек;
4. Кіріспеде зерттеу тақырыбына шолу, зерттеу сұрағы(тары) немесе зерттеу проблемасы, гипотезасы (қажет болған жағдайда), мақаланың мақсаты, өзектілігі, негізгі дәйек (аргумент) көрсетілуі тиіс. Сондай-ақ, келесі бөлімдерге қысқаша шолу жасалуы қажет: зерттеу әдіснамасы мен әдістері, теория мен тұжырымдамалар және зерттеу нәтижесі;
5. Әдебиетке шолу бөлімінде мақала тақырыбына қатысты осыған дейін басқа зерттеушілер жасаған жұмыстарға және басқа да ғылыми дереккөздерге сыни баға берілуі тиіс. Сонымен бірге, автор(лар) зерттеу олқылық(тар)ын (research gap) көрсетуі қажет;
6. Зерттеу әдіснамасы бөлімінде деректердің қалай жиналғандығы, деректерді жинауда қолданылған құралдар, зерттеу әдіс(тер)і, деректердің қалай сарапталғандығы баяндалуы керек; 
7. Зерттеу нәтижелері ұсыныстар мен жаңа қорытындыларды қамтуы тиіс;
8. Талқылау бөлімі жұмыстың нәтижелерін қорытындылауды, зерттеудің жаңалығы мен өзектілігін негіздеуді және нәтижелерді қолдану бойынша ұсыныстарды қамтиды;
9. Қорытындыда зерттеу нәтижелері қысқаша баяндалып, болашақта зерттеу үшін жаңа тақырыптар және зерттеудің шектелуі берілуі қажет; 
10. Кестелер, суреттер және диаграммалар мәтіннің тиісті жерлеріне мақала құрылымының үлгісіне сай енгізілуі тиіс; 
11. Қажет болған жағдайда, мәтінге қосымшалар қосуға болады. Қосымшалар ұсынылса, олар мақаланың соңында көрсетілуі қажет;
12. Мақала көлемі аңдатпа, кестелер, сілтемелер және әдебиеттер тізімін қосқанда 8 беттен жоғары болуы қажет (қосымшалар саналмайды).
13. Мәтін ішіндегі сілтемелер, пайдаланылған әдебиеттер тізімі, қолжазба мәтіні IEEE басылымы стилінде (Қосымша 2) рәсімделуі қажет. Мәтін ішінде дәйексөз келтіру жақша ішінде автор-дата форматында болуы тиіс; 
14. Алғыс білдіру бөлімінде (бар болған жағдайда) қаржылық қолдау туралы ақпарат (гранттар, бағдарламалар) беріледі, зерттеуге көмек көрсеткен тұлғалар немесе мекемелерге арналған алғыс сөздер жазылады.
15. Әдебиеттер тізімі бөлек бөлім ретінде бір бағанды “IEEEtran journal” басылымы стилінде  жұмыстардың жазылған тілінде ұсынылуы керек. Әрбір дереккөзге тиісті сілтемелер берілуі қажет (Қосымша 1);
16. Ағылшын тіліндегі мақалалар американдық немесе британдық ағылшын тілі стильдерінің бірінде жазылуы қажет және сол стиль қолжазбада басынан аяғына дейін сақталуы тиіс.   
17. Қазақ тіліндегі мәтіннің кириллицадан латын әліпбиіне транслитерациясын жасау үшін https://qazlat.kz сайтындағы онлайн конвертер бағдарламасын қолдануға кеңес беріледі. Орыс тіліндегі мәтіннің кириллицадан латын әліпбиіне транслитерациясын жасау үшін http://www.translit.ru сайтындағы онлайн конвертер бағдарламасын қолдануға болады.
18. Қысқартылған атаулар (аббревиатуралар) алғаш қолданылғанда толығымен жазылып, қасына жақша ішінде атаудың қысқартылған нұсқасы көрсетілуі қажет. Келесі жолы қолданылғанда атаудың қысқартылған нұсқасы тұрақты түрде көрсетілуі тиіс.

Мәтін пішімі

Мақаланың мәтіні “IEEEtran” басылымы стилінде рәсімделеді, атап айтқанда құжаттың жалпы құрылымы төмендегідей:

Құжат форматы: бір бағанды (one-column), A4 немесе US Letter

Шрифт: Times New Roman

Шрифт өлшемі:

• Мәтін – 10 кегльмен
• Тақырыптар – 24 кегльмен (бірінші деңгей), 14 кегльмен (екінші деңгей)
• Аннотация – 9 кегльмен
• Аяқтама (footnote) – 8 кегльменt

Жол аралығы: 1.0 (single spacing)

Жиектер (Margins): “0.625 in – 1 in”

Бөлімдер мен құрылым:

Тақырып (Title) – ортаға тураланған, бас әріппен жазылады (14 кегльмен, қалың (bold))

Авторлар (Authors) және мекеме атауы – толық аты-жөні, мекеме атауы, электронды пошта

Аннотация (Abstract) және кілт сөздер (Keywords) – 9 кегльмен, 150-250 сөз

Кіріспе (Introduction), Негізгі бөлім (Main Sections), Қорытынды (Conclusion) – сандармен белгіленген (мысалы, I. “Introduction”, II. “Methodology”, т.б.)

Әдебиеттер тізімі (References) – IEEE стилінде, квадрат жақшада нөмірлеу [1], [2], т.б.

Суреттер мен кестелер:

• Сурет атауы (Figure caption) – суреттің астында (Қосымша 1)
• Кесте атауы (Table caption) – кестенің үстінде
• Сурет пен кесте сілтемелері: мәтінде "Fig. 1", "Table I" түрінде беріледі

Формулалар:

• Формулалар ортасына тураланады
• Нөмірлеу оң жақ шетке қойылады  (Қосымша 1)

Әдебиеттер тізімі (IEEE Citation Format)

IEEE стилі бойынша дереккөздер тізімі квадрат жақшамен беріледі:

• Журнал мақаласы: [1]A.Author,"ArticleTitle,"∗JournalName∗,vol.X,no.Y,pp.1−10,Month,Year.[1] A. Author, "Article Title," *Journal Name*, vol. X, no. Y, pp. 1-10, Month, Year.[1]A.Author,"ArticleTitle,"∗JournalName∗,vol.X,no.Y,pp.1−10,Month,Year.
• Конференция материалы: [2]B.Author,"PaperTitle,"in∗ProceedingsofConferenceName∗,Year,pp.100−105.[2] B. Author, "Paper Title," in *Proceedings of Conference Name*, Year, pp. 100-105.[2]B.Author,"PaperTitle,"in∗ProceedingsofConferenceName∗,Year,pp.100−105.
• Кітап: [3]C.Author,∗BookTitle∗,Xthed.City,Country:Publisher,Year.[3] C. Author, *Book Title*, Xth ed. City, Country: Publisher, Year.[3]C.Author,∗BookTitle∗,Xthed.City,Country:Publisher,Year.

IEEEtran LaTeX пайдалануы

IEEE мақала жазу үшін LaTeX-та \documentclass[journal,onecolumn]{IEEEtran} қолданылады.

3. Қолжазба журнал сайтындағы қолжазбаны жүктеу порталы арқылы электронды форматта (doc және docx)  немесе үлгідегідей LaTeX форматында қабылданады.

Авторларға журналдың мақсаттары мен міндеттерін мұқият зерттеп, осы саладағы жаңалық пен елеулі жетістіктерді білдіретін қолжазбаларды тапсыруға кеңес беріледі. Сонымен қатар, авторлар үшін қолжазбаларды бағалау үшін рецензиялау үдерісінде қолданылатын критерийлермен танысу маңызды.