About the Journal

«Journal of Emerging Technologies and Computing» (JETC) – мақалалары рецензияланатын, ашық қолжетімділігі бар отандық және халықаралық ғылыми журнал. JETC компьютерлік ғылымдар, инфокоммуникациялық технологиялар және қолданбалы аспектілері бар математикалық зерттеулер бағытына негізделетін ғылыми зерттеулер бойынша бұрын басқа басылымдарда жарық көрмеген ғылыми мақалаларды қарастырады. 

Бұл нұсқаулық Қазақстан Республикасы Ғылым және жоғары білім министрлігінің «Ғылыми қызмет нәтижелерін жариялауға ұсынылатын басылымдар тізбесіне енгізу үшін ғылыми жарияланымдарға қойылатын талаптарды бекіту туралы», «Дәрежелерді беру қағидаларын бекіту туралы» Қазақстан Республикасы Білім және ғылым министрінің 2011 жылғы 31 наурыздағы №127 бұйрығы  және SDU University-дің ғылыми жарияланымдарға қатысты саясатына сәйкес әзірленді.

JETC-тің мақсаты – компьютерлік ғылымдар, инфокоммуникациялық технологиялар және олардың қолданбалы математикалық аспектілері бойынша ғылыми зерттеулерді дамыту және қазақстандық, шетелдік зерттеушілердің ғылыми зерттеулерінің нәтижелерін жариялау. 

Журналдың ғылыми бағыттары: компьютерлік ғылымдардың қолданбалары, инфокоммуникациялық технологиялар және қолданбалы аспектілері бар математика. 

JETC жылына төрт рет (наурыз, маусым, қыркүйек және желтоқсан айларында) жарық көреді. Мақалалар анонимді түрде кемінде екі рецензенттің сараптамаларынан (double-blind peer review) өтеді.